“Demokratët për Drenasin” kanë shfrytëzuar kohën e mirë për të kaluar vikendin te liqeni i Vasilevës, transmeton DrenicaOnline.
Kreu i DD-së, Driton Ajazi ka njoftuar se aktiviteti i tyre do të vazhdojë, deri atëherë kur qytetarëve të Drenasit tu kthehet shpresa, dinjiteti, qeverisja e mirë zhvillimi ekonomik dhe investimet në shërbim të tyre!
Njoftimi i plotë i Ajazit:
Sot, së bashku me struktura, aktivistë dhe ish kandidatë për Asamble të DD, ishim në piknik te Liqeni i Vasilevës.
Një falënderim për secilin për gjithë kontributin e dhënë gjatë rrugëtimit tonë të përbashkët politik në procesin zgjedhor dhe pas tij.
Edhe pse ishte një takim joformal, edhe sot u vu në pah se sa i domosdoshëm ishte ndryshimi në Drenas. Gjithë ajo bukuri që na ka fal natyra me Liqenin aty, ku me pak investime, ai vend do të shëndrrohej në një atraktivitet turistik për të gjithë qytetarët, jo vetëm të atyre të Drenasit.
Por, fatkeqësia e gjithë kësaj është se në pushtetin qeverisës në Drenas është një person, që shtynë përpara vetëm projekte dhe agjenda që i shkojnë për shtati vetëm individëve dhe grupeve të caktuara të interesit të lidhura me të, e asesi interesin e përgjithshëm qytetar.
Prandaj, aktiviteti ynë do të vazhdojë, deri atëherë kur qytetarëve të Drenasit tu kthehet shpresa, dinjiteti, qeverisja e mirë zhvillimi ekonomik dhe investimet në shërbim të tyre!
D.A.
