Gjatë ditës së sotme është raportuar se çmimi për një litër vaj në disa markete të Kosovës ka arritur çmimin 3.49 euro.
Këtë e ka parë si shqetësim edhe kryeministri i Kosovës, Albin Kurti i cili në një konferencë për media e ka cilësuar si çmimin më të lartë në Botë.
Në anën tjetër, komuna e Skenderajt ka filluar të shqiptoj gjoba për marketet të cilat e kanë abuzuar me çmimet.
Në një postim në rrjetet sociale, kryetari Nura ka publikuar dënimin prej 1000 euro kundrejt një marketi në Skenderaj.
“Gjobë për secilin që provon të përfitojë në mënyrë të pandershme! Nuk mund të ndryshojmë rrjedhën e tregjeve botërore, por mund të shtojmë mbikëqyrjen në qendrat tregtare dhe dyqanet ushqimore, nëse ato apo kushdo tjetër që bën tregti, luan me çmime, në këtë kohë pa kohë kur disa artikuj ushqimor dhe jo ushqimor kanë lëvizje të çmimeve. Nuk do të lejojmë të shfrytëzohet rasti për përfitim të paligjshëm, siç është rasti i sotëm në një prej qendrave tregtare, ku 1 litër vaj është shitur me çmim prej 3.49 euro, pavarësisht çmimit shumë më të lirë të furnizimit. Zero tolerancë për abuzuesit!”, ka shkruar Nura në Facebook.
