Dugolli reagon pas incidentit: Lladrovci më sulmoi, kërcënoi e shau disa herë [VIDEO]

REAGIM PËR OPINIONIN PUBLIK DHE MEDIAL

Për hirë të vërtetës dua ta sqaroj opinionin publik lidhur me kërcënimin dhe sulmin nga ana e kryetarit Lladrovci, ngjarje kjo që ka ndodhur sot në lokalin ‘Kristal’ Në Komoran rreth orës 17:40. Nuk kisha ndërmend të bëj reagim publik, por pas përpjekjes për ta maskuar (fshehur) e devijuar rastin nga ana e Ramiz Lladrovcit e ndjeva të nevojshme që të bëj këtë reagim publik. Rastin e kam denoncuar në Organet Policore, rasti është në procedurë, janë video-inqizimet, Organet Policore i kanë këto fakte dhe që lus që e vërteta të dal në shesh. Do ta përshkruaj rastin:

Brenda lokalit kam hyrë duke folur në telefon me bashkëshorten time dhe Lladrovci i shoqëruar nga 5-6 persona ndër ta drejtori i DKA-së Muhamet Gjoka, Ardian Bajraktari, Shoferi i Lladrovcit dhe 2 persona tjerë, në praninë e tyre Lladrovci më ndal dhe fillon të më kërcënoj duke më akuzuar se gjoja unë po e shantazhoj, propagandoj dhe shaj gjatë fushatës dhe më pas unë i them se nuk e kam fyer por që rrugët në zgjedhje i kemi të ndara, ai filloj të më kërcënoj se me ty do të merrem pas zgjedhjeve dhe më tha këto fjalë: Do ta tregoj vendin, mos harro se ti punon në arsim dhe se i ke vetëm 6 nxënësa, e mbas zgjedhjeve do ta tregoj vendin. Gjatë kësaj kohe vazhdimisht kishte veprime agresive fizike, unë i reagova duke i thënë se ju nuk keni të drejtë të më kërcënoni, dhe se nuk do të mund të më ndalni, e as të më friksoni. Gjatë kësaj kohe Lladrovci fillon të fyej me sharje dhe pasi i thashë që s’ta kam frikën sepse me kërcënime s’mund të më ndalësh, atëhere ai afrohet dhe e fut gishtin e tij nën mjekrrën time duke më shtypur mjekrrën me kërcënim, unë ja heq dorën dhe i them se kot e ke. Ai më shan me nënë disa herë duke më kërcënuar se në të ardhmen do ta pësosh keq. Kërkoj nga organet shtetërore që ta vënë drejtësinë në vend, të mos e mbulojnë rastin për hirë të së vërtetës sepse kërcënimi fizik, kërcënimi me fyerje dhe kërcënimi me vend të punës është cënim i të drejtës themelore për punë, lirisë fizike dhe i lirisë së fjalës. Në asnjë moment nuk ka pas asnjë element miqësor siq ka dezinformuar Ramiz Lladrovci, por ishte totalisht kërcënim dhe shantazhim deri në kërcënim fizik. Ngjarjen e kan parë dhe ndëgjuar kamarjerët dhe të pranishmit në Restorantin ku darkonin me familje. Lus organet e shtetit që ti bëjnë videot publike që të shihet e vërteta. As sot e 100 vite nuk do ti frigohem të vërtetës dhe drejtësisë, ne kemi luftuar për të pas liri, për të shpreh mendimin e lirë politik, për të jetuar në demokraci, ndaj gjithmonë do të jam në shërbim të demokracisë dhe lirisë së fjalës, për këtë jemi sakrifikuar edhe familjarisht.