Sot në qytetin e Vushtrrisë, persona të pandergjegjshëm kanë vandalizuar posterët e kandidatit të PDK-së dhe atij të VV-së.
Sikur në Mitrovicë, ashtu edhe në qytetin e Vushtrrisë, po tentohet të lidhet kandidati i PDK-së me ndikimin që mund ta ketë Sami Lushtaku, ndërsa vetë Idrizi e ka mohuar një gjë të tillë.
Dëmtimi i posterëve dhe gjërave tjera që lidhen me fushatën zgjedhore, mund të dënohet me ligj.
Kandidati Ferit Idrizi përmes një postimi ka shkruar se një gjuhë të tillë të urrejtjes e ka përdorur edhe Xhafer Tahiri gjatë gjithë fushatës, ndërsa e ka ftuar të dal në debat publik dhe mos ta përdor këtë gjuhë raciste.
Postimi i plotë:
Të dashur qytetarë,
Sot shumë prej jush kanë parë në vandalizimin e posterëve tanë dhe të kandidatit të Lëvizjes Vetëvendosje!, nga ana kundërshtarit politikë.
E dimë me saktësi se i kanë bërë ata, sepse këtë gjuhë të urrejtjes e ka përdorur gjatë gjithë fushatës z.Tahiri. Këta posterë janë të fushtës raciste të Xhafer Tahirit. Kjo asnjëherë më parë nuk ka qenë pjesë e kulturës dhe edukatës tonë qytetare, por as e politikës së mirë.
Këto etikime të ulëta nuk do t’i shërbejnë në asnjë formë z.Tahirit, sepse me këtë veprim po shpërfaq urretje patologjike ndaj kundërkandidatëve të tjerë në Vushtrri dhe ndaj kolegëve tanë në Mitrovicë e në Skenderaj, të cilët populli i ka zgjedhur qysh në raundin e parë.
Kryetari në shkuarje do të mbahet mend për tendencën e tij për ta instaluar gjuhën e urrejtjes, gjuhë kjo që nuk është përkrahur as nuk do të përkrahet kurr nga vushtrriasit, krejt çka mund të bëjë është kjo ngase zgjedhjet tashmë i ka humbur.
Z.Tahiri nuk duhet të fshihet pas këtyre vandalizmave politikë, ai duhet t’i përgjigjet ftesës sime për debat në sheshin kryesor te qytetit. Të gjithë vushtrriasit meritojnë të dinë drejt për programet tona dhe për aferat korruptive të tij, vartësve dhe të familjarëve të tij.
Qeverisja e mirë po kthehet dhe fitorja është vetëm disa ditë larg.
#kryetaritëgjithëve
