Kryetari i komunës së Drenasit, Ramiz Lladrovci bashkë me Ali Ahmetin, bashkëveprimtarë, kryetar komunash e deputet të parlamenteve në Vlorë, kanë promovuar librin “Triada e Kosovës” e autorit Bedri Islami.
Lladrovci ka njoftuar se libri “sjell argumente dhe dritë të re për historinë e re të Kosovës, angazhimin titanik për çlirim. Ky libër meriton të jetë në çdo bibliotekë atdhetari, për gjeneratat e tashme dhe ato që do të vijnë”.
Gjithashtu, në këtë promovim u bë e ditur se do të ndërtohet një muze me emrin “Kosova” me iniciativë të deputetit vlonjat Bujar Leskaj si dëshmi e vlerës së atdhetarizmit të lidhur ngusht me Kosovën.
Shkrimi i plotë:
Në Vlorën e Pavarësisë, në Vlorën e Ismail Qemalit, me Ali Ahmetin, me bashkëveprimtarë, bashkëluftëtarë, deputetë të tri Parlamenteve tona, kryetarë komunash, qytetarë dhe intelektualë vlonjat, promovuam librin e mikut tim dhe të familjes, librin e shkodranit të Drenicës, Bedri Islamit, “Triada e Kosovës”.
Baca Bedri, është ish drejtues i LPK-së, veprimtar i shquar dhe njohës i jashtëzakonshëm i rrethanave dhe çështjeve nacionale, studiues e shkrimtar, kontribues dhe njohës i veçantë i Kosovës.
Libri “Triada e Kosovës”, sjell argumente dhe dritë të re për historinë e re të Kosovës, angazhimin titanik për çlirim. Ky libër meriton të jetë në çdo bibliotekë atdhetari, për gjeneratat e tashme dhe ato që do të vijnë.
Ne, të pranishmit, miqtë dhe dashamirët e Bedriut nga të gjitha trojet etnike, u njohëm edhe me ambientet dhe iniciativën se Muzeu i ardhshëm ku u mbajt promovimi i librit, do të jetë Muze “Kosova”.
Ky muze do të ndërtohet me iniciativën e deputetit vlonjat Bujar Leskaj dhe është dëshmi e vlerës së këtij atdhetarizmi të lidhur ngusht me Kosovën dhe historinë tonë të re që mori frymëzim nga Vlora e Pavarësisë.
Faleminderit Baca Bedri për këtë vepër madhore!
Faleminderit deputet Bujar Leskaj për pritjen dhe Muzeun “Kosova”!
Faleminderit vlonjat dhe atdhetarët tjerë të pranishëm!
