Malishevë: Hajnave nuk ju shkoi gjithçka sipas planit: Pasi vodhën para dhe ari, banorët e fshatit ua zënë “pritën”

Disa hajnave në Mleqan të Malishevës nuk ju ka shkuar “operacioni” mirë mbrëmë.

Pasi vodhën një sasi ari dhe 7000€, ata u kapën në ikje e sipër nga banorët e fshatit.

Pasi janë arrestuar, dy protagonistët e kësaj ngjarjeje me vendim të prokurorit ata janë dërguar në mbajtje.

“Fsh. Mleqan, Malishevë 04.10.2021 – 20:30. Është raportuar se dy të dyshuar meshkuj  kosovarë pasi që të njëjtit me forcë kanë depërtuar në brendinë  e shtëpisë së viktimës mashkull  kosovar dhe nga aty kanë vjedhur një sasi stoli ari  dhe para të gatshme në vlerë të përgjithshme rreth 7000 euro. Të njëjtit në ikje janë kapur nga banorët e fshatit, ndërsa si prova materiale u anë sekuestruar: një pistoletë e cila dyshohet se ishte përdorë në rast, 1400€ par të gatshme dhe disa stoli ari. Afër vendit të ngjarjes është gjete një pistoletë me 3 fishekë e cila dyshohet se ishte përdorë në rast nga të dyshuarit, një gëzhojë fisheku dhe disa stoli ari. Të dyshuarit janë arrestuar dhe me vendim të prokurorit janë dërguar në mbajtje, rasti vazhdon të hetohet”, thuhet në njoftimin e policisë.