Mërgim Pirraku zgjidhet asamblist, mbi 650 vota për të

Asamblisti i zgjedhur i Kuvendit Komunal të Drenasit, nga “Demokratët për Drenasin” është Mërgim Pirraku.

Pirraku ka marrë numër të madh votash, saktësisht diçka mbi 650 sosh, shkruan DrenicaSot.

Në Pirrakun ka besuar edhe portali ynë DrenicaSot, të cilin e ka mbështetur dhe promovuar gjatë fushatës, derisa ai përmes facebookut është zotuar se do të punoj drejt dhe pa anime.

Postimi:

Faleminderit DRENAS!

Të dashur qytetarë të Drenasit,

tash kur kandidatët i kanë marrë rezultatet preliminare, më lejoni të ju njoftoj që sipas këtyre rezultateve, unë kam marrë besimin e qytetarëve për t’i përfaqësuar në Asamblenë Komunale. Ky besim më gëzon jashtëzakonisht shumë, e po kaq shumë më gëzon fakti që kam marrë vota në secilin vendvotim në tërë territorin e komunës së Drenasit.

Ju falemnderit secilit nga ju, për secilën votë, për besimin tuaj. Ju falemnderit përulësisht!

Ju që më njihni e dini se unë jam një idealist. Prandaj, nga këtu, unë ju premtoj se do të mbetem i tillë edhe në politikë. Do të udhëhiqem nga vlera universale të shoqërisë, do të përkrah çdo ide e veprim të mirë prej kujtdo që vjen dhe do të kundërshtoj çdo ide e veprim të keq prej kujtdo që vjen. Do të flas e të angazhohem pa pushuar asnjëherë, për të gjetur zgjidhje për probleme që e mundojnë shoqërinë tonë.
Ashtu siç kemi qenë bashkë para zgjedhjeve, do të jemi edhe më të bashkuar pas tyre. Unë nuk do të jem tjetër, pos njëri nga ju, i ngarkuar me përgjegjësi për të ngritur zërin për juve, për gjithë qytetarët e komunës së Drenasit.

Ju falemnderit edhe njëherë e mirë u takofshim në takimet e radhës!

I juaji,
Mërgimi.