Rita Ora u përlot duke folur për mënyrën se si nëna e saj, Vera Sahatçiu, luftoi dhe mundi kancerin e gjirit në vitin 2005 teksa u shfaq në ‘The Voice Australia’.
Krijuesja e hitit “Anywhere” – e cila është instruktore në konkursin e këngës – foli për mënyrën se si nëna e saj Vera Sahatçiu u sëmur nga kanceri në vitin 2005 kur Rita ishte ende adoleshente teksa fliste me konkurrenten Aleisha Gam, e cila i kushtoi performancës së saj “Make You Feel My Love” për nënën e saj, e cila “ka qenë duke luftuar me kancerin për dy vitet e fundit.
Si përgjigje, ylli 31-vjeçar i popit i tha këngëtares 26-vjeçare: “Unë e di se si është të kesh një lloj lidhjeje me një këngë, dhe më pas ai kujtim qëndron gjithmonë me atë këngë. Mamaja ime, ajo gjithashtu kishte kancer. Kur ajo shkonte dhe merrte trajtimin e saj dhe po i binin flokët dhe gjëra të tjera, ne ishim njëlloj, adoleshentë”.
Me zërin e thyer nga emocionet, Rita vazhdoi: “Ishte vërtet e çuditshme të shihje mamanë tënd
e, sikur të mos ishte superheroina që gjithmonë mendon se do të jetë nëna jote… Sepse nuk mendon se prindërit e tu do të bëjnë diçka të tillë, të shkatërrohen para jush”.
Pasi mori frymë thellë, ajo shtoi: “E pastaj duhet ta mblidhni veten…As që mund të flas tani”.
Krijuesja e hitit “Hot Right Now” e përshkroi prindin e saj të dashur, Vera, si një “të mbijetuar nga kanceri”.
Aktorja e “Fifty Shades of Grey” e pranoi se ishte “me të vërtetë e vështirë” të flitej për sëmundjen e nënës së saj.
“Unë thjesht doja ta tregoja atë atje. Nuk flas për nënën time kështu… Është vërtet e vështirë”, është shprehur Rita.
Në dhjetor të vitit 2020, Rita foli për herë të parë për betejën e Verës me kancerin dhe se si ajo “ndjeu shumë përgjegjësi” për t’u rritur shpejt pas kësaj.
“Kanceri i prek të gjithë. Mamaja ime e luftoi dy herë dhe unë pata shumë emocione të ndryshme. Ndjeva shumë përgjegjësi për t’u ngritur dhe për t’u bërë një adoleshente e fortë. Doja të mbroja nënën time”, ka theksuar këngëtarja.
“Edhe tani, sa herë që nëna ime duhet të bëjë një kontroll, na kujtohen të gjitha ato ndjenja të pritjes së rezultatit dhe shkaktari i frikës së të gjithave”.
