Ish-kandidati për Kryetar të Drenasit, Xhavit Drenori përmes rrjetit social facebook ka njoftuar se është sulmuar fizikisht, sot në Drenas.
Ai ka thënë se personi që e sulmoi iu prezantua si djali i një prokurori që Drenori e kishte përmendur gjatë debateve televizive, shkruan DrenicaSot.
Drenori shkruan se për këtë sulm është paralajmëruar me kohë.
Postimi:
Të nderuar qytetarë të komunës së Drenasit dhe më gjërë,
së pari ju kërkoj ndjesë që kaq vonë po sqarohem për një çështje kaq të ndjeshme, që në media është plasuar pak pas pasdites.
Po, unë sot afër zyres sime në Drenas, jam sulmuar fizikisht nga një person të cilin nuk e kam njohur dhe i cili më është paraqitur si djali i Prokurorit Ibrahim Berisha.
Arsyeja që ky person më ndaloj, pra më kishte dal në pritë, ishte se unë e kam përmend emrin e prindit të tij në debate televizive.
E mira e gjithë kësaj situate është se është xhiruar nga tri kamera të tri objekteve të ndryshme, prandaj shpresoj që e gjithë kjo situatë diku rreth 5 minutshe do të dal në publik.
Përndryshe për një sulm të tillë isha i paralajmëruar para disa ditësh përmes telefonit ku prokurori në fjalë kishte shkuar edhe fizikisht tek një familjar i imi për t’i kërkuar që mos ta përmend në debate televizive për shkak se ishte pak para pensionimit, në të kundërten djemtë nuk do të rrinin duarkryq.
Pra miqë të nderuar, sot u binda edhe më shumë se për etablim të demokracisë në Drenas kemi shumë punë përpara.
Unë nuk do të ndalem, edhe këtë sulm e marrë si një nga shumë sfidat / “dekoratat” në rrugën e gjatë të shpresës për Drenasin.
P.S. Në ora 19:20 do jem live në RTV Dukagjini këtë situatë.
Poashtu për këtë rast ka shkruar edhe avokati Gazmend Halilaj.
“Miq, momentalisht jam me klientin tim, i cili diku rreth ores 13:10 eshte pritur ne prit afer zyres se tij, nga djali i prokurorit per te cilin klienti im, z.Drenori, dite me heret kishte ngritur zerin ne debatet televizive lidhur me dyshimet per abuzimin e detyres se tij.
Per kete sulm klienti im ishte i paralajmeruar permes telefonit para disa diteve, prandaj kerkojme nga organet e drejtesise ta cilesojne si nje rast i planifikuar.
Se shpejti se bashku me klientin tim, pasi te merr tretmanin e nevojshem, do t’iu drejtohemi mediave.”
